काठमाडौं, । चीनले उपलब्ध गराएको कोभिड-१९ बिरुद्धको खोप बुधबारबाट लगाउने सरकारले तयारी गरेको छ । केही दिन अघि चीन सरकारले नेपाललाई कोरोना भाइरसबिरुद्धको भ्याक्सीन भेरोसेल ८ लाख डोज दिएको थियो । उक्त भ्याक्सीनको मिति २ बर्षको रहेको छ ।
यो चरणको खोप काठमाडौं उपत्यकाका २० वटा अस्पतालबाट सुभारम्भ गरिने स्वास्थ्य मन्त्रालयले जनाएको छ । यो भ्याक्सीन यसअघिको खोप कार्यक्रममा प्रथामिकतामा परेर पनि नपाएकाहरुलाई पहिलो प्रथामिकता दिइने स्वास्थ्यमन्त्रालयले जनाएको छ ।
त्यस्तैगरी व्यापारी, विद्यार्थी र चीन भ्रमणमा जाने नगरिकलाई पनि प्रथामिकता दिइएको बताइएको छ । उक्त खोप टेकुस्थित कोल्डरुममा नआँटेपछि एयरपोर्ट भन्सारमा निर्मित कोल्डरुममा राखिएको छ ।
