काठमाडौँ । प्रधानमन्त्री पुष्पकमल दाहाल प्रचण्डकी पत्नी सीता दाहालर्ला उपचारका लागि नर्भिक अस्पताल लगिएको छ ।
लामो समयदेखि प्रोग्रेसिभ सुपरान्युक्लियर पाल्सी (पीएसपी) रोग देखिएपछि उनी अचेत अवस्थामा घरमै रहेकी थिइन् । अचानक उनको स्वास्थ्यमा अझ समस्या देखिएपछि अस्पतालको इमर्जेन्सी कक्षमा लगिएको हो ।
उक्त रोगका कारण सीताको शारीरिक र मानसिक अवस्था नै असन्तुलित बनेको छ । उनी हिँड्न, बोल्न र खाना खान सक्ने अवस्थामा छैनन् ।
सुरुमा ४ असार २०७५ मा उनलाई उपचारका लागि सिंगापुर लगिएको थियो । त्यसपछि २०७५ कै चैत ३ गते उनलाई अमेरिका लगेर उपचार गरिएको थियो । पछिल्लो पटक २०७७ पुस २० गते उनलाई भारतको मुम्बइ लगेर उपचार गरिएको थियो । तर, उनको स्वास्थ्य अवस्थामा सुधार आउन सकेको छैन ।
