काठमाडौं । चर्चित टेलीश्रृङ्खला ‘कान्छि’ र ‘भुन्टि’ की अभिनेत्री आशा खड्काले विवाह गरेकी छन् ।
आशाले टेलीश्रृङ्खला कान्छिमा उनको श्रीमान बनेर अभिनय गरेका अभिनेता सागर गौतमसँग विवाह गरेकी हुन् । उनीहरुले लामो समयदेखिको प्रेम सम्बन्धलनाई विवाहमा परिनत गरेका हुन् ।
पर्दामा लोकप्रिय बनेको यो जाडीले वास्तविक्तामा भने सुटुक्क विवाह गरेका छन् । उनीहरूले आफन्त र साथिभाइ र परिवारकाबीच विवाह गरेका हुन् । आशाले उक्त कुराको जानकारी सामाजिक सञ्जाल मार्फत बुधबार दिएकी छन् ।
आशाले कलाकारको रुपमा मात्रै नभएर आफ्नै परिवारको सदस्यलाई झैँ माया गरेको र दर्शकले नै चाहेको मान्छेसँग आफूले विवाह गरेको बताएकी छन् ।
उनले फेसबुकमा लेखेकी छन् :
आजको दिन सम्म मलाई एउटा कलाकारको रुपमा मात्रै नभएर आफ्नै परिवारको सदस्यलाई झैँ माया गर्नुहुने मेरा आदरणीय दर्शक महानुभावहरुलाई हजुरहरुले नै चाहनु भएको मान्छेसँग मैले जिवनको नयाँ अध्याय शुरु गरेको कुरा बताउन पाउँदा म अत्यन्तै खुसी छु। मलाई विश्वास छ मेरो खुसीमा हजुरहरू पनि सबैजना खुसी हुनुहुनेछ। मलाई र मेरो श्रीमानलाई धेरै आशिर्वाद दिनुहोला ।
