काठमाडौं । सिन्धु समाज अमेरिकाका संस्थापक अध्यक्ष श्री दिपेश लामाको विषेश पहल कदमि र नेपालका तर्फबाट श्री सोमराज तामाङ (सोम लामा) को विषेश सहयोगमा अमेरिकाको सन फ्रान्सिस्कोमा आगामी नोभेम्बर १६ ( मंसिर १ गते) गोल्डेन नेपाली फिल्म अवार्ड’ हुने भएको छ। गोल्डेन नेपाली फिल्म अवार्ड कार्यक्रममा गोल्डेन स्टेट मुभी मेकर्स एलएलसी क्यालिफोर्निया, हिमालयन फाउन्डेसन कर्प र गोल्डेन स्टेट मुभी मेकर्स प्रालिले अवार्ड आयोजना गर्ने जानकारी हामीलाई प्राप्त भएको छ ।
आयोजक संस्थाका प्रमुखमा यज्ञलाल श्रेष्ठ रहने छन। आयोजक संस्थाका प्रमुख यज्ञलाल श्रेष्ठका अनुसार २०८० साउन १ देखि २०८१ असार मसान्तसम्म प्रदर्शनमा आएका नेपाली फिल्महरुले प्रतिष्पर्धा गर्ने र नेपाली चलचित्र क्षेत्रको विकास, विस्तार र समृद्धिका लागि केही पहल गर्ने उद्देश्यका साथ गर्न लागिएको भनि पत्रकार सम्मेलनमा उदघोष गरिएको थियो ।
अवार्ड आयोजक टिममा अभिनेता शिव श्रेष्ठ, अभिनेता सुनील थापा, अभिनेत्री तथा निर्देशक दीपाश्री निरौला, कलाकार सुनील कटवाल र पत्रकार तथा फिल्म निर्देशक लक्ष्मण सुवेदी छन् । पपुलर अवार्डका रुपमा आयोजना गर्न लागिएको अवार्डमा विभिन्न १० विधामा अवार्ड प्रदान गरिने भएको छ । अवार्डको सह-प्रायोजकमा अमेरिकामा रहेको लेइट ल अफिसका प्रमुख रवी सिह बस्नेत, सोनामी एलएलसीका प्रमुख नारायण सोनामी, राजपुत एलएलसीका प्रमुख सुजीत सिंह तथा सिन्धुपाल्चोक समाज, एलएलसी क्यालिफोर्निया रहेका छन ।
पत्रकार सम्मेलनमा समाजसेवी संस्था सिन्धुपाल्चोक समाज नेपालको पनि औपचारिक उद्घाटन गरिएको थियो । अभिनेत्रीत्रय भुवन चन्द, वसुन्धरा भुसाल,र चैत्य देवी, अभिनेता नीर शाह, शिव श्रेष्ठ, चलचित्र कलाकार संघका पूर्व अध्यक्ष रविन्द्र खड्का र सिन्धुपाल्चोक समाजका संस्थापक अध्यक्ष समेत रहेका यज्ञलाल श्रेष्ठ र कार्यक्रम ब्यबस्थापक श्री सोमराज तामाङ -सोम लामाले संयुक्तमा पत्रकार सम्मेलन गरि समाजको पनि सफलता पुर्वक उद्घाटन गरीएको समाचार जन प्रहार डटकमका समाचार प्रमुख नेत्र बहादुर कार्की ,लाई टेलिफोन मार्फत जानकारी दिईएको थियो ।
