एजेन्सी । बलिउड अभिनेत्री रिया चक्रवर्ती छिट्टै बंगाली फिल्म निर्माता राणा सरकारसँग काम गर्ने सम्भावना रहेको छ ।
हालै राणाले एक अन्तर्वार्तामा यसबारे कुरा गर्दै रिया आफ्नो फिल्मका लागि एकदमै फिट रहेको बताए । साथै उनले रियाको करियर बिना दोष नै बर्बाद भएको पनि बताए । राणाले भने, ‘फिल्मका लागि रियाका म्यानेजरसँग सम्पर्कमा छु, तर उनले अहिलेसम्म निर्णय गरेका छैनन् । हामीसँग स्क्रिप्ट तयार छ र यसमा रिया मुख्य अभिनेत्रीको रूपमा फिट हुन्छिन् ।’
रिया राम्रो बंगाली बोल्छिन् र यदि उनले यो फिल्म हुन्छ भने, ‘यो उनको करियरको लागि राम्रो हुनेछ। राणाले थपे, पछिल्ला केही वर्षमा उनले धेरै समस्या भोगेकी छिन् र अझै पनि मुम्बईमा फिल्म पाइरहेकी छैनन् ।’
सन् २०१३ मा बलिउड फिल्म ‘मेरे डैड की मारुति’ पाइला राखेकी रियाले ‘जलेबी’ पछि रिया मिस्ट्री थ्रिलर ‘चेहरे’ मा मात्र देखिएकी थिइन् । २०२१ मा रिलिज भएको यो फिल्ममा उनी बाहेक अमिताभ बच्चन, इमरान हाश्मी र सिद्धान्त कपूर पनि मुख्य भूमिकामा थिए ।
रियाका प्रेमी सुशान्त सिंह राजपुतको १४ जुन २०२० मा मुम्बईमा निधन भयो। त्यसबेलादेखि एनसीबी लागूऔषध मुद्दामा अनुसन्धान थालिएको थियो र रिया चक्रवर्तीलाई सेप्टेम्बर २०२० मा पक्राउ गरिएको थियो । झण्डै एक महिना जेल बसेपछि रियाले मुम्बई उच्च अदालतबाट जमानत पाएकी थिइन् ।
