काठमाडौं । राष्ट्रपति विद्यादेवी भण्डारी र प्रधानमन्त्री शेरबहादुर देउवाले कलाकार तथा लोकगायक जयनन्द लामाको निधनप्रति दुःख व्यक्त गर्नु भएका छन् । लामाको बुधबार बिहान निधन भएको हो ।
राष्ट्रपति भण्डारीले कलाकार लामाको निधनप्रति दुःख व्यक्त गर्नु भएको छ । कलाकार लामाको निधनबाट नेपाली कलाकारिता क्षेत्रले ठूलो क्षति व्यहोर्नुपरेको भन्दै राष्ट्रपति भण्डारीले मृतआत्माको चीर शान्तिको कामना गर्दै शोकाकुल परिवारजनमा गहिरो समवेदना व्यक्त गर्नु भएको हो ।
यसैगरी, प्रधानमन्त्री देउवाले पनि लामाको निधनप्रति दुःख व्यक्त गर्नु भएको छ । बुधबार उहाँले सामाजिक सञ्जालमार्फत् ‘कलाकार लामाको निधनप्रति दुःख व्यक्त गर्नुभएको हो ।
कलाकार लामाको असमायिक निधनबाट मुलुकले गीतसंगीत, चलचित्र एवं हास्य क्षेत्रका एक असल साधक गुमाएको भन्दै प्रधानमन्त्री देउवाले दिवङ्गत आत्माप्रति भावपूर्ण श्रद्धाञ्जली व्यक्त गर्दै शोकसन्तप्त परिवारजनमा गहिरो समवेदना प्रकट व्यक्त गर्नु भएको हो ।
