काठमाडौं, । संघीय संसद भवनमा स्वाव दिएका ६१३ जनामध्ये ६५ जनामा कोरोना संक्रमण देखिएको छ ।
जसमध्ये १४ जना सांसद छन् भने बाँकी ५१ जना सचिवालयका कर्मचारी, सुरक्षाकर्मी र पत्रकार रहेको संसद सचिवालयले स्रोतले जनाएको छ ।आगामी सोमबार बस्ने प्रतिनिधिसभाको विशेष अधिवेशनका लागि संसद सचिवालयले सरोकारवालाहरुको स्वाव संकलन थियो ।
बैशाख २२ ,२३ र २४ गरी तीन दिनमा संकलन गरिएका १ हजार २ सय ३४ जनाको स्वाव परिक्षण गरिएकोमा ६ सय १३ जनाको रिपोर्ट आईसकेको छ ।जसमध्ये १४ जना सांसदसहित सचिवालयका कर्मचारी, सुरक्षाकर्मी र पत्रकार गरी ६५ जनामा संक्रमण पुष्टि भएको हो ।
यसअघि नै संक्रमित भएका ११ जना सांसदमध्ये केहि घरमै आइसोलेसनमा छन् भने केही अस्पतालमा उपचार गराईरहेका छन् ।बिहीबार पनि सांसदसहित ५ सय २५ जनाले स्वाव दिएका थिए । जसमध्ये ६७ जना सांसद छन् ।
शुक्रबार पनि दश जना सांसदसहित एस सय जनाले स्वाव दिएका छन् ।प्रधानमन्त्री केपीशर्मा ओलीले संसदमा विश्वासको मत लिने निर्णय गरेसंगै २७ गते बस्ने प्रतिनिधिसभामा बैठकमा संक्रमित सांसदले कसरी मतदान गर्ने भन्ने विषयमा अन्योल सृजना भएको छ ।
