काठमाडौं । कोरोना भाइरस संक्रमणका कारण भारतीय चर्चित म्युजिक निर्देशक श्रवण राठौडको मृत्यु भएको छ । कोरारेना संक्रमित श्रवण राठौडको मुम्बईस्थित एलएल रहेजा अस्पतालमा उपचारको क्रममा मृत्यु भएको हो ।

जानकारी अनुसार श्रवण राठौड अन्य रोगबाट समेत ग्रसित थिए । कोरोना संक्रमण पुष्टि भएसँगै उनको भेन्टिलेटरमा उपचार भइरहेको थियो । भारतीय संगीत उद्योगमा श्रवण राठौड निकै चर्चित नाम हो । नदीम र श्रवणको जोडी निकै चर्चित थयो ।

तर, यो जोडी श्रवणको मृत्युसँगै टुटेको छ । रहेजा अस्पतालका निर्देशकका अनुसार कोरोना संक्रमित श्रवणको अल्टिअर्गान फेल भएर मृत्यु भएको हो । ६६ वर्षीय श्रवणको दुई छोरा सञ्जिव र दर्शन रहेका छन् ।

चर्चित म्युजिक निर्देशक श्रवणले आफ्नो करियरमा कयौं अवार्डहरु जितेका छन् । नदीम र श्रवणले ९० को दशकको चर्चित फिल्महरुमा संगीत भरेका छन् । उनीहरुले आशिकी, शाहरुख खानको परदेश, साजन, राजा हिन्दूस्तानीलगायत फिल्महरुमा संगीत भरेका छन् ।