२०५२ साल फागुन १ गतेदेखि सशस्त्र युद्ध सुरु गरेको दिनको स्मरणमा तत्कालीन माओवादीहरुले जनयुद्ध दिवस मनाउँदै आएका छन् । नेपाल कम्युनिष्ट पार्टी नेकपाको प्रचण्ड–नेपाल समूहले आज दिवस भव्यरुपमा बनाउने निर्णय गरेको छ ।
सहिद स्मृति तथा सम्मान कार्यक्रमको ब्यानरमा दिवस भव्यरुपमा मनाउन सबै तहमा आग्रह गरिएको नेकपाको प्रचण्ड–नेपाल समूहले जनाएको छ । बिहान ९ बजे पार्टी कार्यालय पेरिसडाँडामा सहिदहरुप्रति सम्मान कार्यक्रम आयोजना गरिएको छ ।
नयाँ जनवादी क्रान्तिको लक्ष्यसहित बन्दुक उठाएको माओवादीले २०६३ मंसिर ५ गते हतियार बिसाएको थियो । प्रतिनिधिसभा विघटनपछि दुई समूहमा विभाजन भएको नेकपाको अर्को ओली पक्षले भने जनयुद्ध दिवसबारे कुनै पनि कार्यक्रमको आयोजना नगरेको स्रोतले जनाएको छ ।
