हिरोज्’ फिल्मको ट्रेलर सार्वजनिक भएको छ। आइतबार एक कार्यक्रम गर्दै फिल्मले ट्रेलर रिलिज गरेको हो। फिल्मका निर्देशक एन बि महर्जन हुन्। कार्यक्रममा ट्रेलरसँगै फिल्मका चार गीत पनि देखाइएको थियो।
फिल्ममा करिष्मा मानन्धर, जयकिसन बस्नेत, पूर्णिमा लामा, संजोग राना, कमली वाइवा, मुकेश ढकाल, दिलकृष्ण श्रेष्ठ, दिनेश डिसी आदिको अभिनय रहेको छ। चैत २३ गते रिलिज हुने फिल्मलाई नायिका पूर्णिमा लामाले निर्माण गरेकी हुन्।
फिल्ममा बेरोजगारीको पीडा, मानव बेचबिखन, सामाजिक भेदभाव र न्यायका लागि संघर्षको कथा प्रस्तुत गरिएको जानकारी कार्यक्रममा दिइयो। कार्यक्रममा अभिनेत्री करिश्माले आफूलाई फिल्मको स्क्रिप्ट निकै मन परेर खेलेको बताइन् ।
कार्यक्रममा निर्देशक महर्जन भने उपस्थित थिएनन् । शंकर महर्जनको द्वन्द्व निर्देशन रहेको फिल्म शिव ढकाल र रामशरण उप्रेतीले खिचेका हुन् । जय लक्ष्मी फिल्मको ब्यानरमा निर्मित ‘हिरोज’ को निर्मातामा नायिका पूर्णिमाबाहेक युवराज लामा, शेखर लामा र संजोग राणा रहेका छन् । फिल्ममा कविराज गहतराज र रामजी लामिछानेको कोरियोग्राफी छ ।
