काठमाडाैं । आर्सनलले यस वर्षको इंग्लीश प्रिमियर लिग फुटबलको उपाधि जितेको छ ।
शनिबार राति भएको खेलमा म्यान्चेस्टर सिटीले बर्नमाउथसँग १–१ गोलको बराबरी खेलेपछि आर्सनल च्याम्पियन बनेको हो । प्रिमियर लिगमा ३७ खेलबाट आर्सनलको ८२ अंक भएको छ भने दोस्रो स्थानको म्यान्चेस्टर सिटीको ७८ अंक मात्रै रहेकाे हाे । सिजनमा एक खेल बाँकी छँदा दोस्रो स्थानको म्यान्चेस्टर सिटीमाथि ४ अंकको अग्रता बनाउँदै आर्सनलले उपाधि सुरक्षित गरेको छ ।
लण्डन क्लब अर्सानलले २२ वर्षपछि प्रिमियर लिगको उपाधि जितेको हो । उसले अन्तिम पटक सन् २००४ मा प्रिमियर लिगको उपाधि उचालेको थियो । यस पटक आर्सनल युएफा च्याम्पियन्स लिगको पनि फाइनलमा पुगेको छ ।
यहि मे ३० तारिखमा हंगेरीको बुडापेस्टमा हुने फाइनल खेलमा आर्सनलले फ्रान्सको पेरिस सेन्ट जर्मेनको सामना गर्ने भएकाे हाे ।
