काठमाडौं । विशेष अदालतले बाँकी रहेका पुराना ३५९ थान मुद्दाहरु आगामी असार मसान्तसम्म फछ्र्यौट गरिसक्ने लक्ष्य राखेको छ ।
शुक्रबार काठमाडौंमा पत्रकार सम्मेलन गर्दै विशेष अदालतले सो लक्ष्य राखेको हो ।
पत्रकार सम्मेलनमा बोल्दै विशेष अदालतका उपरजिस्ट्रार धनबहादुर कार्कीले बाँकी रहेका ३५९ पुराना मुदद असार मसान्तसम्म सकिसक्ने कार्ययोजनाअनुसार काम गरिरहेको बताउनुभयो । उहाँले अदालतले साउनदेखि आगामी असारसम्म दर्ता हुने नयाँ मुद्दाहरु पनि असारमसान्तसम्म ५० प्रतिशत फछ्र्यौट गरिसक्ने कार्ययोजना रहेको बताउनुभयो ।
उपरजिस्ट्रार कार्कीले गत साउनदेखि मंसिर मसान्तसम्म ७५ थान मुद्दा नयाँ दर्ता भएको बताउनुभयो । उहाँले अघिल्लो आर्थिक वर्ष अर्थात असार मसान्तसम्म बाँकी रहेका मुद्दा ३५९ थान रहेको बताउनुभयो । उहाँले जम्मा लगत भनेको अहिले विशेष अदालतमा ४३४ थान मुद्दा रहेको पनि बताउनुभयो ।
उपरजिस्ट्रार कार्कीले जसमध्ये १२३ थान “२८.३४प्रतिशत” फछ्र्यौट भएको बताउनुभयो । उहाँले बाँकी मध्ये पनि विशेष अदालतमा २ वर्ष नाघेका मुद्दा ७२ थान रहेकोमा अहिले थान सकिएर ७० थान रहेको बताउनु भयो । विशेष अदालतमा रहेका मुद्दामध्ये गैरकानूनी सम्पती आर्जनका ३३, निर्णयगत (अनियमितता) का २६८, नक्कली प्रमाणपत्र १८, घुस रिसवत मुद्दा ८६ थान, सम्पती शुद्धिकरणका मुद्दा २९ रहेको बताउनुभयो । साउनदेखि मंसिरसम्मको ५ महिनामा १२५ थान मुद्दा फछ्र्यौट लक्ष्य राखेकोमा त्यसमा ११६ थान मुद्दा फछ्र्यौट भएको उहाँको भनाइ छ ।
नयाँ तर्फ ५ महिनामा ११ थान फछ्र्यौट गर्ने लक्ष्य निर्धारण गरेकोमा २ थान फछ्र्यौट भएको बताउनुभयो । १३६ थान मुद्दा फछ्यौट गर्ने लक्ष्य निर्धाराण गरेकोमा ११८ थान फछ्र्यौट भएर (८६.७६ प्रतिशत) फछ्र्यौट भएको बताउनुभयो ।
कार्यक्रममा बोल्दै विशेष अदालतका अध्यक्ष एवं न्यायाधीश टेकनारायण कुँवरले विशेष अदालतमा पनि चाँडै नै मुद्दाहरुको अनलाइन दर्ता शुरु गर्ने बताउनुभयो । उहाँले उहाँले सेवाग्राहीको खर्च, समय, श्रोतमा कमी ल्याउनको लागि भर्चुअल हेयरिङ शुरु गर्ने योजना अघि सारिएको बताउनुभयो ।
उहाँले अनलाइन दर्ता शुरु भइसकेपछि सेवाग्राहीले प्रत्येक जिल्लाबाट हाफ्नो वकीलबाट मुद्दाको सुनुवाई गर्न सकिने बताउनुभयो ।
