काठमाडौँ । नेपाली महिला क्रिकेट टिमले टी-२० विश्वकपको एसिया छनौट खेल अन्तर्गत लगातार तेस्रो जित हासिल गरेको छ । आइतबार सम्पन्न खेलमा नेपालले भुटानलाई ३ विकेटले पराजित गरेको हो ।
भुटानले दिएको ४० रनको लक्ष्य पछाएको नेपाली पहिला टिमले १३.२ ओभरमा ७ विकेट गुमाउँदै लक्ष्य पुरा गरेको थियो । यसअघि पहिला ब्याटिङ गरेको भुटानकोले २० ओभरमा ८ विकेट गुमाउँदै ३९ रन मात्र बनाएको थियो ।
यो जितपछि नेपालले प्रतियोगितामा लगातार ३ जित हासिल गरेको छ । नेपालको समूह ए मा ३ खेलमा ६ अंक भएको छ र शीर्ष स्थानमा उक्लिएको छ । नेपालले यसअघि नेपालले आयोजक मलेसिया र बहराइनलाई पराजित गरेको थियो । भुटानको भने यो दोस्रो हार हो । यो खेलपछि भुटानको ३ खेलमा २ अंक रहेको छ ।
सेप्टेम्बर ९ सम्म सञ्चालन हुने यस एसिया छनौटमा १२ देशले भाग लिएका छन् । जसमा नेपाल समूह ए मा रहेको छ ।समूह ए मा नेपालसहित बहराइन भुटान, मलेसिया, कतार र युएई रहेका छन् । त्यस्तै समूह बी मा चीन, हङकङ, कुवेत, म्यान्मार र थाइल्याण्ड रहेका छन् ।
प्रतियोगितामा नेपालले कतारविरुद्ध सेप्टेम्बर ४ मा र युएईविरुद्ध सेप्टेम्बर ६ मा खेल्ने तालिका रहेको छ । दुवै समूहबाट शीर्ष दुई टिम सेमिफाइनलमा पुग्ने छन् भने फाइनल पुग्ने दुई देश विश्वकपका लागि छनौट हुने छन् ।
