काठमाडौं । चलचित्र ‘हामी तीन भाइ’ पुन: निर्माण हुने भएको छ ।
डेढ दशक अगाडी निर्माण भएको चलचित्र ‘हामी तीन भाइ’ को अहिले पुन निर्माण हुन लागेको हो ।मधुसूदन भट्टराईको निर्देशनमा बन्ने चलचित्रमा कुशल विष्ट, बिनोद न्यौपाने, जानवी बस्नेत, रबिन्द्र झा, राजाराम पौडेल लगायतका कलाकार अनुबन्धित भएका छन् । अन्य केही कलाकारहरू छनोट भने हुन बाँकी नै छ ।
प्रसिद्धि सिने आर्टको ब्यानरमा निर्माण हुन लागेको चलचित्रमा साजित महतले निर्माण गर्ने छन् । चलचित्रका कार्यकारी निर्मातामा विक्रम तामाङ रहेका छन् । चलचित्रको छायाँकन चित्लाङमा साउन १० गतेबाट सुरु हुने भएकाे छ ।
चलचित्रको पहिलो भागको लेखन तथा निर्देशन शिव रेग्मीले गरेका थिए । यस चलचित्रमा राजेश हमाल, निखिल उप्रेति , श्रीकृष्ण श्रेष्ठ, रेखा थापा, झरना थापाको अभिनय रहेको थियो । यो चलचित्र त्यतिबेला सुपरहिट सावित भएको थियो ।
