काठमाडौं । शहीद स्मारक ‘ए’ डिभिजन लिग अन्तर्गत बुधबार तीन खेल हुँदैछन् ।
बुधबार दशरथ रंगशालामा दुई र च्यासल मैदानमा एक खेल हुनेछ ।
दशरथ रंगशालामा हुने पहिलो खेलमा नेपाल पुलिस क्लब र हिमालयन शेर्पा क्लब भिड्नेछन् । पुलिस र हिमालयनबीचको खेल दिउँसो २ः३० बजे सुरू हुनेछ । पुलिस पहिलो जितको खोजिमा हुनेछ । पहिलो खेलमा पुलिसलाई चर्च ब्वाइजले हराएको थियो । हिमालयन शेर्पा पनि पहिलो जितको योजनामा रहेको छ । पहिलो खेलमा हिमालयनले मनाङसँग बराबरी खेलेको थियो ।
दशरथ रंगशालामा हुने दोस्रो खेलमा मनाङ मर्स्याङ्दी क्लब र संकटा क्लबबीच प्रतिष्पर्धा हुनेछ । मनाङ र संकटाबीचको खेल साँझ ५ः३० बजे सुरू हुनेछ ।
मनाङले पहिलो खेलमा हिमालयनसँग बराबरी खेलेको थियो । संकटाले पहिलो खेलमा आर्मीसँग बराबरी खेलेको थियो ।
यसैगरी, च्यासल मैदानमा हुने खेलमा एपीएफ क्लब र सातदोबाटो युथ क्लबबीच प्रतिष्पर्धा हुनेछ । दुई टोलीबीचको खेल दिउँसो २ः३० बजे सुरू हुनेछ ।
एपीएफले पहिलो खेलमा थ्री स्टारलाई हराएको थियो । यस्तै, सातदोबाटोले पहिलो खेलमा एनआरटीलाई हराएको थियो ।
