एजेन्सी । अभिनेत्री कंगना रनोट तमिल फिल्म ‘चन्द्रमुखी-२’ मा देखिने भएकी छिन् ।
जुन २००५ को क्लासिक हरर कमेडी ‘चन्द्रमुखी’ को सिक्वेल हो । आफू ‘चन्द्रमुखी-२’ का लागि फाइनल भएको जानकारी कंगनाले नै आफ्नो सामाजिक सञ्जालमार्फत जानकारी दिएकी छन् ।
यो फिल्मलाई पी वासुले निर्देशन गर्नेछन् । कंगनाको अपोजिटमा तमिल अभिनेता राघव लरेन्स देखिनेछन्, जो ‘कञ्चना १’, ‘कञ्चना २’ र ‘कञ्चना ३’ जस्ता हरर कमेडी फिल्मबाट परिचित छन् ।
भारतीय सञ्चार माध्यमका अनुसार कंगनाले डिसेम्बरको पहिलो साताबाट फिल्मको सुटिङ सुरु गर्दैछिन् । उनले ‘इमर्जेन्सी’ फिल्मको कामबाट ब्रेक लिएर यो फिल्ममा काम सुरु गर्नेछिन् । जनवरीमा ‘इमर्जेन्सी’ को सुटिङ सकिएपछि कंगनाले ‘चन्द्रमुखी २’ को दोस्रो भागको छायांकन सुरु गर्नेछिन् ।
‘चन्द्रमुखी २’ लाई लाइका फिल्म्सले निर्माण गर्नेछ । कंगना यो फिल्मलाई लिएर निकै उत्साहित छिन् । फिल्मको बारेमा कुरा गर्दै कंगनाले लेखेकी छिन्, ‘म आफूलाई धेरै भाग्यशाली मान्छु कि अर्को तमिल फिल्ममा पी वासु जीसँग काम गर्ने मौका पाइरहेको छु ।’
कंगना चाँडै नै फिल्म ‘तेजस’मा देखिनेछिन् । यस बाहेक उनी ‘इमर्जेन्सी’ मा पूर्व प्रधानमन्त्री इन्दिरा गान्धीको भूमिकामा देखिनेछिन्, यो फिल्म उनी आफैंले निर्देशन गरिरहेकी छिन् ।
