एजेन्सी । १५ दिनदेखि दिल्लीको एम्स अस्पतालमा भर्ना भइरहेका हास्य कलाकार राजु श्रीवास्तवलाई बिहीबार बिहान होस आएको छ ।
परिवारिक स्रोतका अनुसार १५ दिनदेखि कोमामा गएका राजुको स्वास्थ्यमा लगातार सुधार भइरहेको छ । राजुको बिहीबार बिहान ८ बजेर १० मिनेट जाँदा होस आएको हो ।
केही दिन अघि राजुको मस्तिष्कका तीन नसामध्ये एउटा अझै पनि अवरुद्ध रहेको र उपचार जारी रहेको चिकित्सकले बताएका थिए । राजुको उपचारका लागि चिकित्सकले न्यूरोफिजियोलोजीको समेत सहयोग लिएका थिए ।
राजु श्रीवास्तवको मानसिक अवस्था सुधार्नका लागि डाक्टरहरूले उनलाई अमिताभ बच्चनको आवाज सुनाइदिएको भारतीय सञ्चार माध्यमले जनाएका थिए ।
राजु श्रीवास्तवलाई गत १० अगस्ट मा हृदयघात भएको थियो । त्यसपछि उनलाई दिल्ली एम्स अस्पतालमा भर्ना गरिएको थियो ।
