पुष्कर खड्का
रामेछाप । दोलखाको माथिल्लो तामाकोशी आयोजनाको ड्याम साइडमा फेला परेको शवको पहिचान खुलेको छ ।
ड्याम साइडमा फेला परेको शव बाजुराको हिमाली गाउँपालिका वडा नम्बर ४ का २१ वर्षिय रबिन कार्कीको रहेको प्रहरीले पुष्टि गरेको छ ।
कार्की गत असार ७ गते विगु गाउँपालिका वडा नम्बर -१ देउरालीमा बाटो बनाउने क्रममा भिरबाट लडेर बेपत्ता भएका कार्कीको शव हिजो आइतबार गोताखोरको टोलीले फेला पारेको जिल्ला प्रहरी कार्यालय दोलखाको प्रहरी निरिक्षक राजेश सिक्देलले जानकारी दिनुभयो ।
निरिक्षक सिक्देलले दिएको जानकारी अनुसार उक्त शव अहिले पशुपति चौलागाई स्मृति अस्पतालमा राखिएको र कार्कीको परिवार आएपछि शव बुझाइने बताउनु भयो ।
त्यस्तै रामेछापको उमाकुण्ड गाउँपालिका वडा नं १ गुम्देलका रमेश बस्नेत बोटिङ् गर्ने क्रममा माथिल्लो तामाकोशी जलविद्युत प्राधिकरणको ड्यामसाइड्मा गत साउन २२ गते बेपत्ता भएका बस्नेतको खोजीको लागि पुगेको गोताखोरको टोलीले आइतबार कार्कीको शव फेला पारेको दोलखा प्रहरी जनाएको छ ।
