एजेन्सी । मिस इन्डिया २०२२ को ताज कर्नाटककी सिनी शेट्टीले जितेकी छन् ।
मिस इन्डिया २०२२ को घोषणा भएको हाे । मिस इन्डिया २०२२ को ताज कर्नाटककी सिनी शेट्टीले जितेकी छन् । ब्यूटी विथ ब्रेन सिनी शेट्टीले ३१ फाइनललाई पराजित गर्दै मिस इन्डियाकाे उपाधि जितेकी हुन् । सिनी शेट्टीलाई सामाजिक सञ्जालमा बधाई दिनेहरूको समेत ओइरो लागेको छ ।
गत जुलाई ३ मा मुम्बईमा भएको प्रतियोगितामा सिनी विजयी भइन् भने राजस्थानकी रुबल शेखावत फस्ट रनर अप र उत्तर प्रदेशकी शिनाता चौहान सेकेण्ड रनर अप बनेका थिए ।
प्रतियोगितामा बलिउडका कलाकारहरू नेहा धुपिया, कृति सेनन, मलाइका अरोडा, मनिष पल, राजकुमार राव, डिनो मोरेया, मिथाली, राजलगायतको उपस्थिति थियो । २१ वर्षीया सिनी सेट्टीको जन्म मुम्बईमा भएको थियो । तर, उनी अहिले कर्नाटकमा बसोबास गर्दै आएकी छन् । सिनीले लेखा र वित्तमा स्नातकसम्मकाे अध्ययन गरेकी छन् ।
उनले चार्टर्ड फाइनान्सियल एनालिस्ट (सीएफए) कोर्स समेत गरिरहेकी छन्।
