काठमाडौं । युक्रेनका राष्ट्रपति भोलोदिमीर जेलेन्स्कीले रुससँग युद्धविरामका लागि रुसी राष्ट्रपति भ्लादिमीर पुटिनसँग प्रत्यक्ष भेट गर्ने इच्छा प्रकट गर्नुभएको छ ।
स्वीट्जरल्याण्डको डाभोसमा विश्व आर्थिक मञ्चलाई भर्चुअल माध्यम मार्फत सम्बोधन गर्दै उहाँले यस्ताे बताउनुभएकाे हाे । राष्ट्रपति जेलेन्स्कीले युक्रेन र रुसबीचको युद्ध लम्बिंदै गएका कारण युक्रेनमा धेरै क्षति भएपछि रुसी राष्ट्रपतिसँग युद्धविरामको पहलका लागि भेट्ने इच्छा रहेको बताउनुभएको छ।
साेही सम्बोधनकै क्रममा उहाँले रुस विरुद्ध अधिकतम प्रतिबन्धहरू लगाउन पश्चिमा मुलुकहरूलाई अपील समेत गर्नुभएको हाे। युक्रेनले एक रुसी सेनालाई नियन्त्रणमा लिई आजीवन काराबासको सजाय समेत सुनाएको छ। उहाँले युक्रेनले १२ हजार भन्दा बढी रुसी युद्ध अपराधीहरूको अनुसन्धान गरिरहेको दावी समेत गर्नुभएकाे छ।
साथै २१ वर्षीय रुसी सैनिकलाई दोषी ठहर गर्दै आजीवन काराबासको सजाय दिइएको युक्रेनका राष्ट्रपति भोलोदिमीर जेलेन्स्कीले बताउनुभएकाे छ ।
