काठमाडौं । सहिद स्मारक ‘ए’ डिभिजन लिग फुटबलमा आजबाट चौथो चरणका खेलहरु हुनेछन् । चौथो चरणको पहिलो खेलमा मनाङ मर्स्याङ्दी क्लबले फ्रेण्ड्स क्लबको सामना गर्नेछ । यो खेल त्रिपुरेश्वरस्थित दशरथ रंगशालामा दिनको १ बजे हुनेछ । आजको दोस्रो खेलमा त्रिभुवन आर्मी क्लबले च्यासल युथ क्लबको सामना गर्नेछ । यो खेल साँझ पौने ५ बजे सुरु हुनेछ ।
लिगमा तिन चरणका खेलहरु सकिंदा ७–७ अंक जोडेको सातदोवाटो युथ क्लब, मच्छिन्द्र क्लब र मनाङ क्लब तालिकाको शिर्ष तीन स्थानमा रहेका छन् । संकटा क्लब, नेपाल पुलिस क्लब र त्रिुभवन आर्मी क्लबले ५–५ अंक जोडेका छन् । थ्रिस्टार, ब्रिगेड ब्वाइज र च्यासलको ४–४ अंक छ भने फ्रेण्ड्स, एनआरटी र हिमालयन शेर्पाले २–२ अंक जोडेका छन् । अंक जोड्न नसकेका जावलाखेल युथ क्लब र सशस्त्र प्रहरीको एपिएफ टिम तालिकाको पुछारमा रहेका छन् ।
