प्रतिनिधिहरुलाई आउन जान सजिलो हुने र ऐतिहासिक, राजनीतिक हिसावलेसमेत उपयुक्त ठाउँ चितवन भएकाले महाधिवेशन हुने स्थान तोकिएको बताइएको छ ।

विभिन्न सञ्चारमाध्यममा आएजस्तो प्रचण्डलाई चुनौती दिन महाधिवेशन चितवनमा गर्न लागिएको भन्ने तर्क निराधार रहेको भन्दै चितवनमा हुने महाधिवेशनले पार्टीलाई थप एकतामा बाँधिएको सन्देश दिने रावलले बताउनुभयो ।

एमाले बागमती प्रदेशका अध्यक्ष आनन्द पोखरेलले एक हप्ताभित्र स्थान छनोट गरी केन्द्रमा सिफारिस गरिने बताउनुभयो । उद्घाटन सत्रमा कम्तिमा ५ लाख सहभागी हुने र उद्घाटन सत्र र बन्दसत्रका लागि उपयुक्त ठाउँ खोज्ने काम भइरहेको बताउनुभयो ।

महाधिवेशनमा विधान महाधिवेशन सहभागी भएकामध्ये करिव ५० प्रतिशत प्रतिनिधि सहभागी हुने भन्दै उहाँले १० औं महाधिवेशन सफल पार्न सबै क्षेत्रबाट सहयोगको अपेक्षा समेत गर्नुभयो ।