काठमाडौं । नेपाल पत्रकार महासंघको केन्द्रीय कार्यसमितिका लागि १३३ जनाको उम्मेदवारी परेको छ । आज उम्मेदवारहरुकारे प्रथम नामावली प्रकाशन गरिएको हो ।
महासंघको निर्वाचन कार्यतालिका अनुसार शुक्रबार बिहान १० बजेदेखि साँझ ५ बजेसम्म मनोनयन दर्ता गर्न समयसिमा तोकिएकोमा १३३ जनाको उम्मेदवारी दर्ता भएको हो ।
अध्यक्षका लागि कमल गिरी, देवीप्रसाद सापकोटा, निर्मला शर्मा, रमेश बिष्ट र लालसिंह (एलएस) लामाको उम्मेदवारी परेको छ । गिरी प्रेस सेन्टर नेपाल नेतृत्वको संयुक्त प्यालनबाट उम्मेदवारी दिएका हुन् भने शर्माले प्रेस चौतारी सहितको प्यानलबाट उम्मेदवारी दिएकी हुन् । यस्तै बिष्टले स्वतन्त्र उम्मेदवारी दिएका हुन् ।
नेपाल पत्रकार महासंघको निर्वाचन यही मंसिर २८ गते हुँदैछ ।
