काठमाडौं । राष्ट्रिय स्वतन्त्र पार्टी (रास्वपा) को केन्द्रीय समिति बैठक शनिवार बस्दैछ । बैठक आज विहान साढे ११ बजे पार्टी कार्यालयमा बस्न लागेको हो ।
समसामयिक राजनीतिक गतिविधि,संघर्षको मोडालिटी लगायतका विषयमा छलफल गर्न केन्द्रीय समिति बैठक बस्न लागेको पार्टीका कार्यवाहक प्रवक्ता मनिष झाले बताए ।
‘आज विहान साढे ११ बजे पार्टी कार्यालयमा केन्द्रीय समिति बैठक बस्दैछ । बैठकमा समसामयिक राजनीतिक गतिविधि,पार्टीको सांगठनिक गतिविधि,आगामी राजनीतिक सहकार्यका न्यूनतम मुद्धाहरू र सङ्घर्षको मोडालिटी लगायतका विषयमा छलफल हुनेछ,’कार्यवाहक प्रवक्ता झाले भने ।
यस्तै आसन्न स्थानीय तह उपनिर्वाचनका विषयमा पनि बैठकमा छलफल हुनेछ । रास्वपाले उपनिर्वाचनका लागि सात वटै प्रदेशमा नेताहरु खटाइसकेको छ । आगामी मंसिर १६ गते देशभर स्थानीय तह उपनिर्वाचन हुन गइरहेको छ ।
