काठमाडौं । वेस्ट इन्डिज ‘ए’ विरुद्धको ट्वान्टी–२० शृङ्खलाको पाँचौँ तथा अन्तिम खेलमा नेपाल ६ विकेटले विजयी भएको छ ।
जितका लागि १७३ रनको लक्ष्य पाएको नेपालले १८.५ ओभरमा ६ विकेट गुमाउँदै लक्ष्य पुरा गर्यो ।
नेपालको जितमा आसिफ शेख र अनिल शाहले अर्ध शतक प्रहार गरे ।
साहले ४५ बलमा ५८ तथा आसिफ शेखले ३५ बलमा ५१ रन बनाए । कुशल मल्लले १८ बलमा ३ चौका र ३ छक्का सहित ३७ रनमा नटआउट रहे ।
दुई ओभरमा २२ रन चाहिएको अवस्थामा १९ औँ ओभरको ५ बलमा नै १ छक्का र ४ चौका आएपछि नेपालले जित हासिल गर्यो ।
शृंखलाको अन्तिम खेलअगावै वेस्ट इन्डिज ‘ए’ ले शृंखला जितिसकेको छ । नेपालसँगको चौथो खेलमा २८ रनको जित निकाल्दा वेस्ट इन्डिज ‘ए’ले शृंखला जितेको थियो ।
