काठमाडौं । फरवार्ड सावित्रा भण्डारी ‘साम्बा’ले डेब्यु खेलमै गोल गरेकी छन् । योसँगै हापोएल रानानाले नयाँ सिजनमा विजयी सुरुवात गरेको हो ।
अथेना कप प्रतियोगिताको दोस्रो चरणमा हापोएल रानानाले हादेरालाई २-० ले पराजित गर्यो । रानानाका लागि आदि गोल्डेन र साम्बाले १/१ गोल गरे । सावित्राले युरोपेली लिग खेल्ने राष्ट्रको नकआउट प्रतियोगितामा गोल गर्दै इतिहास पनि रचेकी छिन् ।
क्लबले अब प्रतियोगिताको अर्को चरणमा प्रतिस्पर्धा गर्नेछ । उक्त खेल सोमबार हुनेछ ।
रानानाले दुई सातापछि शीर्ष डिभिजनको लिग यात्रा सुरु गर्नेछ । आथाना कपमा शीर्ष डिभिजनको लिग खेल्ने ८ टोलीको सहभागिता छ । इजरायली लिग खेल्न साम्बा करिब दुई साता अघि त्यहाँ पुगेकी हुन् ।
