काठमाडौं । संगीतकार सन्तोष प्रगाढले स्वर तथा संगीत दिएको आधुनिक गित “उनलाई जायज भो” को म्युजिक भिडियो हिजो एक कार्यक्रमविच रिलिज गरिएको छ । उक्त गितमा निर्देशक विश्वास भण्डारीले एक दर्जन भन्दा बढी फिल्म निर्देशक तथा नृत्य निर्देशकलाई कलाकारको रुपमा प्रस्तुत गरेका छन् ।
बाबू सेन्चुरिले कोरियोग्राफर गरेको उक्त गितमा निर्देशकहरु दिपक लामा, निमा लामा, घनश्याम तिमल्सिना एन्टिना, जनकराम न्यौपाने, संगीत सागर, बाबू सेन्चुरी, ह्यारी कट्टेल, जयराम सापकोटा,वशिव आर जि, राज तामाङ, बिबि राना र निर्देसक बिश्वास भण्डारीको समेत अभिनय रहेको छ भने उनिहरुलाइ मोडेल आकृती तामाङले साथ दिएकी छिन् । गजलकार सुशीला पौडेलले लेखेको उक्त गितलाई नगेन्द्र दाहालले खिचेका हुन भने निर्देशक बिश्वासले नै सम्पादन गरेका हुन् ।
कार्यक्रम इन्टरनेशनल फिल्म स्कुलको हल जोरपाटीमा सम्पन्न भएको उक्त कार्यक्रममा म्युुजिक भिडियोमा अभिनय गर्ने सम्पुर्ण निर्देशक लगायत कलाकारलाई सम्मान पत्र प्रदान गर्नुका साथै अतिथिहरुलाई मायाको चिनो प्रदान गरिएको थियो । कार्यक्रमलाई B square media को youtube च्यानल मार्फत रिलिज गरिएको छ । कार्यक्रममा बोल्ने अधिकाङ्स बक्ताहरुले म्युजिक भिडियोलाई समेत सरकारले स्थान दिनुपर्नेमा जोड दिएका थिए।