काठमाडौं । प्रतिनिधि सभा सदस्य डा.ढाका कुमार श्रेष्ठको अडियो प्रकरणबारे राष्ट्रिय स्वतन्त्र पार्टी (रास्वपा)ले आज निर्णय गर्ने भएको छ ।
पार्टीको अनुशासन आयोगले छानबिन गरी मंगलबार नै प्रतिवेदन बुझाएकोले आज केन्द्रीय समिति बैठकबाट निर्णय हुने राष्ट्रिय स्वतन्त्र पार्टी रास्वपाले जानकारी दिएको छ ।
डा.ढाका कुमार श्रेष्ठको अडियो प्रकरणबारे निर्णय गर्न राष्ट्रिय स्वतन्त्र पार्टी रास्वपा”ले दिउँसो २ बजेका लागि केन्द्रीय समिति बैठक बोलाएको छ । पार्टी कार्यालय बसुन्धरामा बस्ने सोही बैठकबाट निर्णय हुनेछ ।
राष्ट्रिय स्वतन्त्र पार्टी “रास्वपा”का सांसाद डा.ढाका कुमार श्रेष्ठले मेडिकल माफिया भनेर चिनिएका मेडिकल व्यवसायी दुर्गा प्रसाईंसँग २ करोड रकम मागेको अडियो सार्वजनिक भएको थियो । त्यसबारे छानबिन गर्ने जिम्मा राष्ट्रिय स्वतन्त्र पार्टी “रास्वपा”ले अनुशासन आयोगलाई जिम्मा दिएको थियो ।
आयोगले मंगलबार छानबिन प्रतिवेदन पार्टीलाई बुझाइसकेको छ । उक्त प्रतिवेदनका आधारमा केन्द्रीय समिति बैठकले निर्णय गर्ने भएको छ ।
