काठमाडौं । भारतको हिमाञ्चल प्रदेशमा गत शुक्रबारदेखि निरन्तर परेको वर्षाले कम्तिमा २४ जना मानिसको मृत्यु भएको छ ।
अन्य राज्यहरुमा पनि बाढी पहिरोमा पनि अरु १२ जना भन्दा बढी मानिसको मृत्यु भएको छ । हिमाञ्चलमा ज्यान गुमाउनेहरुमा एकै परिविारका ८ जना समेत रहेका छन् । हिमाञ्चलको मण्डी भन्ने स्थानमा मात्रै १३ जनाको मृत्यु भएको हाे ।
सोही राज्यमा दर्जनौं मानिस बेपत्ता भएका छन् । त्यस्तै उत्तराखण्डमा ४ जनाको मृत्यु भएको र १० जना हराईरहेको भारतीय सञ्चार माध्यमहरुले जनाएका छन् । उडिसा र झारखण्डमा पनि बाढी पहिरोले ब्यापक क्षति गरेको छ । उडिसामा ४ लाख मानिस प्रभावित भएको जनाइएको छ ।
भारी वर्षाका कारण जम्मुकश्मिरको वैष्णेदेवी तथा बद्रि केदारका तीर्थ यात्रा पनि अवरुद्ध भएका छन् । बद्रि केदार जाने सडकहरुमा ब्यापक पहिरो जाँदा यात्रा केही दिन अवरुद्ध हुने नजाइएको छ ।
वर्षा प्रभावित राज्यहरुमा साढे ७ सय बढी सडकमा क्षति पुगेको र आपूर्ति ब्यवस्था समेत अवरुद्ध भएको जनाइएको छ ।
