काठमाडौं । नेदरल्यान्ड्स र स्विडेनले युरोकप महिला फुटबल च्याम्पियनसिपमा पहिलो जित दर्ता गरेका छन् ।
इंग्ल्याण्डमा जारी प्रतियोगिताअन्तर्गत बुधबार राति भएको समूह ‘सी’ को खेलमा नेदरल्यान्ड्ले पोर्चुगललाई ३–२ ले र स्विडेनले स्विट्जरल्यान्डलाई २–१ ले हराएको हो ।
२–० ले पछि परेको स्थितीमा पुनरागमन गर्दै खेल २–२ को बराबरीमा ल्याएको पोर्चुगलले अन्ततः ३–२ ले परिणाम सुम्पिएको हो ।
बुधबार राति नैं भएको अर्को खेलमा स्विडेनले स्विट्जरल्यान्डलाई २–१ ले हराएको हो ।
बुधबार रातिका खेलहरुपछि नेदरल्यान्ड्स दुई खेलमा चार अंकसहित समूह ‘सी’ को शीर्ष स्थानमा उक्लिएको छ भने समान खेलमा समान चार अंक जोडेको स्विडेन दोस्रो स्थानमा छ । पोर्चुगल र स्विट्जरल्यान्डले एक एक अंक जोडेका छन् ।
युरोकप फुटबलमा बिहीबार राती समुह ‘डी’ का दुई खेल हुनेछन् । बिहीबार इटालीले आइसल्याण्डसँग खेल्दा फ्रान्स र बेल्जियम भिड्नेछन् ।
