मनाङका खेलाडीले डिबक्स क्षेत्रमा फाउल गर्न पुग्दा पुलिसले पेनाल्टी पाएको थियो । जसको सदयुपयोग गर्दै पुलिसका सुमन लामाले खेललाई बराबरीमा फर्काएका थिए । खेलको ७३ औं मिनेटमा डिबक्स नजिकै पुलिसका खेलाडी सन्तोष हेमरुनले बल हातले छुँदा मनाङले फ्रिकिक पाएको थियो । सोही फ्रिकिकको उपयोग गर्दै अञ्जनले दोस्रो गोल गरे ।
खेलको ८३ औं मिनेटमा मनाङकै निशान लिम्बुले तेस्रो गोल गरे । पुलिसका गोल रक्षकले बचाएको बल ‘रिबाउन्ड’ हुँदा उनले सुन्दर गोल गरे । खेलपश्चात मनाङका मुख्य प्रशिक्षक तेपे फुजाले पुलिससँगको खेल प्रतिस्पर्धात्मक भएपनि जित हासिल गर्न सफल भएको बताए ।
उनले पहिलो हाफमा मनाङको खेलमा केही कमजोरी भएपनि दोस्रो हाफमा भने सुधारेको सुनाए । ‘दोस्रो हाफमा हामीले खेल सुधार्यौं । सही स्थान लियौं । त्यसैले पुलिसमाथि जित निकाल्न सहज भयो,’ उनले भने ।
