काठमाडौं । नेकपा एकालेका नेता भीम रावलले चितवनमा जारी नेकपा एमालेको दसौं महाधिवेशनअन्तर्गत नयाँ नेतृत्व चयनका लागि मतदान चलिरहेका बेला भीम रावलसहित ११ जना उम्मेदवारलाई मत नदिन भन्दै पर्चा बाँडिएको प्रति आक्रोश पोख्नु भएको छ ।
नेता रावलले सामाजिक सञ्चाल ट्वीटरमा लेख्दै आक्रोश पोख्नु भएको हो । उहाँले मतदान स्थलमा पार्टी निर्वाचन आयोगको आचार संहिता विपरीत कार्य गरेकोप्रति निन्दनीय भएको जनाउनु भएको छ ।
उहाँले मतदानस्थलमा आचारसंहिता विपरित कार्य भइरहेको बताउदै यसलाई रोक्न आयोग तथा सुरक्षाकर्मीलाई आग्रह समेत गर्नु भएको छ ।
उहाँ लेख्नुहुन्छ, ‘चितवनमा एमालेको मतदान शुरू भएपछि मतदान इलाकामा पार्टी निर्वाचन आयोगको आचार संहिता विपरीत समूह सूची बाँड्ने र त्यसको विरोध गर्नेमाथि जाइलाग्ने कार्यको निन्दा गर्दछु । उक्त कामले पार्टीमा धब्बा लाग्छ र लोकतन्त्रलाई कमजोर बनाउछ । यो रोक्न निर्वाचन आयोग र सुरक्षाकर्मीलाई आग्रह गरेको छु ।’
मतदानस्थलमा भीम रावललगायतका ११ जना उम्मेदवारलाई मतदान नदिन भन्दै पर्चा बाडिएको थियो ।
