काठमाडौं । कपा एमालेका वरिष्ठ नेताद्वय माधवकुमार नेपाल र भलनाथ खनाल समूहका सांसदहरु संघीय संसद सचिवालय सिंहदरबारमा भेला भएको खबर सुनेपछि अध्यक्ष केपी शर्मा ओली समूहका दुई नेता सिंहदरबार पुगेका छन् ।
पार्टीबाट राजीनामा दिने सूचना पाएसँगै ओली समूहका नेताहरु विष्णुप्रसाद पौडेल र सुवास नेम्वाङ आइतबार वरिष्ठ नेता नेपाललाई भेट्न सिंहदरबार पुगेका हुन् ।
हाल ओली र नेपाल समूहका नेताहरुबीच सिंहदरबारस्थित लेखा समितिको कार्यकक्षमा वार्ता भइरहेको छ । उक्त वार्तालाई एमाले जोगाउने अन्तिम वार्ताका रुपमा पनि लिइएको छ ।
वार्तामा नेपाल–खनाल समूहबाट नेता नेपाल, योगेश भट्टराई मेटमणी चौधरीलगायत रहेका छन् भने ओली समूहबाट अर्थमन्त्री विष्णु पौडेल र संसदीय दलका उपनेता सुवास नेम्वाङ रहेका छन् ।
समाचार स्रोतका अनुसार पार्टीलाई २ जेठ २०७५ को अबस्थामा फर्काए प्रधानमन्त्री ओलीलाई विश्वासको मत दिने र एमालेमै फर्किने नेता नेपाल समूहको अडान रहेको छ । तर, पार्टीलाई जेठ २ कै अवस्थामा नफर्काए विकल्प खोजिने र प्रधानमन्त्री ओलीलाई विश्वासको मत नदिने नेता नेपाल समूहले भनेको छ ।
