काठमाडौं,/ नेकपा प्रचण्ड–नेपाल समूहको स्थायी कमिटी बैठक आज (बिहीबार) पार्टीकाे केन्द्रीय कार्यालय पेरिसडाँडामा बस्दै छ ।
दिउँसो ३ बजे बस्न लागेकाे बैठकमा पेस गरिने एजेन्डाबारे भने केही पनि खुलाइएकाे छैन । तापनि पछिल्लाे समय सरकारकाे असंवैधानिक कदमका विरूद्ध भइरहेका आन्दोलन तथा कार्यकर्ता भेला लगायतका कार्यक्रमको समीक्षा हुने साे समूहका एक नेताले जानकारी दिए ।
गत पुस ५ गते प्रधानमन्त्री केपी शर्मा ओलीले प्रतिनिधि सभा विघटन गरेपछि त्यसकाे विराेधमा नेकपाबाट असन्तुष्ट रहेकाे प्रचण्ड–नेपाल समूहले प्रर्दशन तथा भेलाहरू गरिरहेकाे छ ।जसअन्तर संसद विघटन असंवैधानिक तथा प्रतिगामी कदम रहेकाे भन्दै उक्त समूहले देशैभरि दोस्रो चरणका संघर्षका कार्यक्रमहरु जारी राखेकाे छ ।
