सडक बहसमा संविधानविद प्रा.डा. चन्द्रकान्त ज्ञवालीले ओलीको कदम जुनसुकै दृष्टिकोणबाट पनि असंवैधानिक रहेको जिकिर गरे । ज्ञवालीले वर्तमान संविधानले प्रधानमन्त्रीलाई प्रतिनिधिसभा विघटनको कुनै अधिकार नभएको उनले दावी गरे ।
नेपाल वार एसोसिएसनका पूर्वउपाध्यक्ष गोविन्द वन्दीले सर्वोच्चले प्रतिनिधि सभा पुन: स्थापना गर्ने विश्वास ब्यक्त गर्दै फेरि फेरि त्यस्तो असंवैधानिक कदम नचालियोस् भन्नका लागि आन्दोलन जारी राख्नुपर्ने बताए।
कार्यक्रममा नेकपाकी युवा नेतृ रचना खड्काले प्रधानमन्त्री ओलीको कदम राजनीतिक र संवैधानिक दुवै दृष्टिले घातक रहेको जिकिर गरिन् ।
नेकपा अर्का युवा नेता रमेश मल्लले ओलीको कदमले परिवर्तनका उपलब्धि संकटमा पर्न सक्ने बताए ।
खुल्ला सडक बहस कार्यक्रममा बोल्दै अनेरास्ववियूका नेता सुरेन्द्र बस्नेतले संविधान अनुसार प्रतिनिधि सभा विघटन हुनै नसक्ने भन्दै अवरुद्घ संसद तत्काल शुरु गर्न माग गरे।
