इन्डियन प्रिमियर लिग आईपीएल खेल्न सन्दीप युएई पुगे
नेपाली राष्ट्रिय टोलीका लेग स्पिनर सन्दीप लामिछाने इन्डियन प्रिमियर लिग (आईपीएल) टी(ट्वान्टी खेल्ने युएई पुगेका छन् ।
दिल्ली क्यापिटल्सबाट आईपीएल खेलिरहेका सन्दीप सोमबार राति युएई पुगेका दिल्लीले जनाएको छ । वेस्ट इन्डिजको क्यारिबियन प्रिमियर लिग (सीपीएल) खेलेर सन्दीप इन्डियन प्रिमियर लिग (आईपीएल) टी(ट्वान्टी खेल्न युएई पुगेका छन् ।
सीपीएलमा सन्दीपले ११ खेलमा कुल १२ विकेट लिएका थिए ।१३ औं आईपीएल सेप्टेम्बर १९ बाट सुरु हुँदै गरेको छ । भारतमा हुने भनिएको आईपीएल कोरोना माहामारीको कारण भारतमा संभव नभएपछि आईपीएल युएईमा आयोजना गर्न लागिएको हो ।
दिल्लीले किङ्स इलाभेन पन्जाबसँग सेप्टेम्बर २० मा पहिलो खेल खेल्नेछ । सन्दीपले सामाजिक संजालमा मार्फत आफु क्वारेन्टिनमा बसेको समेत जनाएका छन् ।
