काठमाडाैं । महोत्तरीबाट काठमाडौंंतर्फ गइरहेको बसले पैदलयात्रीलाई ठक्कर दिँदा एक जना युवकको मृत्यु भएको छ ।
जिल्ला प्रहरी कार्यालय महोत्तरीका अनुसार सोमबार बिहान खैहरनी नगरपालिका–१ स्थित शाहीचोकमा बसले पैदल हिँडिरहेका अन्दाजी ३५ वर्षीय युवकलाई ठक्कर दिएको थियो ।
बसको ठक्करबाट गम्भीर घाइते भएका युवकको उपचारका क्रममा मृत्यु भएको प्रहरीले जनाएको छ । मृतकको पहिचान भने खुल्न सकेको छैन ।
दुर्घटनापछि प्रहरीले घटनामा संलग्न बस र चालकलाई नियन्त्रणमा लिएको छ । घटनाबारे थप अनुसन्धान भइरहेको जिल्ला प्रहरी कार्यालय महोत्तरीले जनाएको छ ।
