काठमाडौं — निर्वाचन आयोगले नेपाली कांग्रेसको दोस्रो विशेष महाधिवेशनबाट निर्वाचित सभापति गगन थापा नेतृत्वको केन्द्रीय कार्यसमितिलाई आधिकारिकता दिने निर्णय गरेको छ।
कार्यवाहक प्रमुख निर्वाचन आयुक्त रामप्रसाद भण्डारीले शुक्रबार साँझ कांग्रेसका दुवै पक्षबाट पेश गरिएका विवरण अध्ययनपछि विशेष महाधिवेशनबाट निर्वाचित कार्यसमिति नै वैधानिक रहेको ठहर गर्दै सोही विवरण आयोगको अभिलेखमा अद्यावधिक गर्ने निर्णय गरिएको जानकारी दिनुभयो।
आयोगका तीन पदाधिकारीमध्ये दुई जनाले पक्षमा र एक जनाले विपक्षमा राय दिएपछि बहुमतका आधारमा निर्णय गरिएको हो। प्रमुख निर्वाचन आयुक्त रामप्रसाद भण्डारी र निर्वाचन आयुक्त जानकी तुलाधरले आधिकारिकता दिने पक्षमा निर्णय दिनुभएको थियो भने अर्का आयुक्त सगुन शमशेर राणाले विपक्षमा मत व्यक्त गर्नुभएको जनाइएको छ।
