काठमाडौं । नेपाली कांग्रेसको १५औँ महाधिवेशनमा चर्चित लोकदोहोरी गायक, सर्जक, समाजसेवी तथा युवा नेता प्रकाश कटुवालले पेशागत केन्द्रीय सदस्य पदमा उम्मेदवारी घोषणा गरेका छन्। पार्टी संगठनलाई थप सुदृढ, गतिशील र जनमुखी बनाउने उद्देश्यसहित उनले आफ्नो उम्मेदवारी अघि सारेका हुन्। कटुवालले आफ्नो उम्मेदवारीमार्फत रामेछापका नेता, कार्यकर्ता, युवा, व्यवसायी, किसान, श्रमिक तथा आम नागरिकका आवाजलाई पार्टीको केन्द्रीय नेतृत्वसम्म प्रभावकारी रूपमा पुर्याउने प्रतिबद्धता व्यक्त गरेका छन्। नयाँ सोच, भिजन र मिसनका साथ कांग्रेसलाई अझ जनमुखी र सशक्त बनाउने उनको भनाइ छ।
