काठमाडाैं । एशियन गेम्स पुरुष क्रिकेट छनोट प्रतियोगिताकाे उपाधिका लागि साेमबार नेपाल र हङकङबीच प्रतिस्पर्धा हुँदैछ ।
साेही खेल सिंगापुरको नेश्नल क्रिकेट मैदानमा साेमबार मध्याह्न सवाँ १२ बजेखेखि शुरु हुने भएकाे हाे ।नेपालले आइतबार भएकाे पहिलाे सेमिफाइनल खेलमा ओमानलाई ८ विकेटले पराजित गर्दै फाइनलमा पुगेको थियाे ।आइतबारै भएकाे दोस्रो सेमिफाइनलमा हङकङले मलेसियालाई ६ विकेटले पराजित गर्दै फाइनलमा नेपालसँगको भेट निश्चित गरेकाे हाे ।
नेपाल र हङकङबीच अहिलेसम्म १४ अन्तर्राष्ट्रिय प्रतिस्पर्धा भएकाे छ। जसमध्ये नेपालले ७ खेल जितेको छ भने हङकङ ५ खेलमा विजयी भएको हाे । दुई खेल नतिजाविहीन सकिएको छ । लगातार उत्कृष्ट प्रदर्शन गर्दै आएको नेपाल उपाधि जित्ने लक्ष्यका साथ मैदान उत्रिने भएकाे छ ।
नेपालसँगै मलेसिया, हङकङ र ओमान एशियाली खेलकुदको लागि छनोट भइसकेका छन् ।
