काठमाडाैं । आईसीसी विश्वकप क्रिकेट लिग-टु शृङ्खला अन्तर्गत शुक्रबार नेपालले अमेरिकाकाे सामना गर्दैछ ।
साेही खेल शुक्रबार बिहान साढे ९ बजेदेखि किर्तिपुरस्थित त्रिवि क्रिकेट रङ्गशालामा हुने भएकाे हाे । दुवै टाेली उच्च मनाेबलका साथ मैदानमा उत्रिदैछन् । नेपालमा भइरहेको लिग–टु एकदिवसीय त्रिदेशीय शृङ्खलामा नेपाल, अमेरिका र स्कटल्याण्ड सहभागी रहेका हुन् ।
घरेलु मैदानमा जारी श्रृङ्खलाको यो अन्तिम खेल हो । पहिलो खेलमा नेपाल स्कटल्याण्डसँग डिएलएस पद्धतिमा २ रनले पराजित भएको थियो । दोस्रो खेलमा नेपालले अमेरिकालाई ९ विकेटले तथा स्कटल्याण्डलाई ५ विकेटले पराजित गरेको थियो । अंक तालिकामा अमेरिका २७ खेलबाट ३८ अंकसहित शीर्षस्थानमा छ भने नेपाल २७ खेलमा २२ अंकसहित पाँचौँ स्थानमा रहेकाे हाे ।
एकदिवसीय प्रतियोगितामा हालसम्म नेपाल र अमेरिका १२ पटक खेलेका छन् । नेपाल ५ खेलमा विजयी हुँदा ६ खेलमा पराजित भएको हाे। एउटा खेल टाई भएको आयाजकले जनाएकाे हाे ।
