काठमाडाैं । नेपाली कांग्रेस संसदीय दलको नेता चयनका लागि शुक्रबार निर्वाचन हुँदैछ ।
प्रतिनिधिसभा सदस्य निर्वाचन सम्पन्न भएको करिब २ महिना पुग्नै लाग्दा कांग्रेसले संसदीय दलको नेता छान्न सकेको छैन । कांग्रेस संसदीय दलको नेताको निर्वाचनका लागि शुक्रबार दिउँसाे ३ बजेदेखि उम्मेदवारी दर्ताको समय तोकिएको हाे । शुक्रबारअपराह्न ४ बजेर ४० मिनेटमा उम्मेदवारको अन्तिम नामावली प्रकाशन गरिने छ ।
त्यसपछि शुक्रबार साँझ ५ बजेदेखि मतदान हुने तय गरिएको हाे । संसदीय दलको नेता बन्नका लागि नेताहरु अर्जुन नरसिंह केसी, भिष्मराज आङदेम्वे, मोहन आचार्य, निष्कल राई लगायतका सांसदहरुले आकांक्षा राखेका छन् । फागुन २१ को निर्वाचनमा कांग्रेसले ३८ सिट जितेको छ ।
यसैबीच कांग्रेसले संसदीय दलको विधान पनि पारित गरेको हाे । कांग्रेस सांसदहरूले विधान पारित गरेर अनुमोदनका लागि पार्टीलाई पठाएका छन् ।
