काठमाडाैं । इन्डियन प्रिमियर लिग (आईपीएल) क्रिकेटमा चेन्नई सुपर किंग्सले कोलकता नाइट राइडर्सलाई ३२ रनकाे फराकिलाे अन्तरले पराजित गरेकाे छ।
भारतकाे चेन्नाईमा मंगलबार राति भएकाे खेलमा चेन्नईकाे यो लगातार दोस्रो जित हो । टस जितेर कोलकताले बलिङ रोजेपछि पहिला ब्याटिङ गरेको चेन्नईले ५ विकेट गुमाउँदै १ सय ९२ रन बनायो । जितका लागि १ सय ९३ रनको लक्ष्य पाएको कोलकताले ७ विकेट गुमाउँदै १ सय ६० रन मात्र बनायो ।
चेन्नईका स्पिनर नोअर अहमदले ३ विकेट लिएका छन् । पाँचौँ खेलमा दोस्रो जीतसँगै ४ अंकका साथ चेन्नई तालिकाको आठौँ स्थानमा रहेकाे हाे । समान ५ खेलमा कोलकाता ४ खेलमा पराजित हुँदै १ अंकसहित तालिकाको पुछारमा रहेकाे छ ।
आईपीएल क्रिकेटमा बुधबार राति पौने ८ बजेदेखि रोयल च्यालेन्जर्स बैंगलोर र लखनउ सुपर जायन्ट्सबीच प्रतिस्पर्धा गर्ने भएका हुन् ।
