काठमाडौं । इजरायलका प्रधानमन्त्री बेन्जामिन नेतन्याहु ले बिहीबार राति आयोजित पत्रकार सम्मेलनमार्फत् आफू जिउँदै रहेको प्रमाण सार्वजनिक गरेका छन्। सामाजिक सञ्जालमा उनका मृत्यु भएको अफवाह फैलिएको स्थिति सृजना भएपछि उनले प्रत्यक्ष रूपमा फेक न्यूज खण्डन गरेका हुन्।
पत्रकार सम्मेलनको सुरुमा नेतन्याहुले भने, “म सबैभन्दा पहिले भन्न चाहन्छु कि म जिउँदै छु र तपाईं सबै यसको साक्षी हुनुहुन्छ। यससँगै म सबै फेक न्युजको खण्डन गर्छु।”
यसअघि १३ मार्चमा उनका एक्स अकाउन्टमा एक भिडियो पोस्ट गरिएको थियो, जसमा उनले इरानसँगको संभावित हमलाबारे जानकारी दिइरहेका देखिएका थिए। सामाजिक सञ्जालका कतिपय प्रयोगकर्ताले उक्त भिडियोलाई एआई जेनरेटेड भन्दै उनको मृत्यु भइसकेको दाबी गरेका थिए।
तर पछि इजरायली प्रधानमन्त्री कार्यालयले नेतन्याहुको मृत्युको खबर झुठो भएको पुष्टि गरेको छ। उनले यस अवसरमा अमेरिकी राष्ट्रपति ट्रम्पको नेतृत्वमा अमेरिका र इजरायल दुवैले आफ्नो लक्ष्यमा मजबुतीका साथ अघि बढिरहेको बताएका छन्।
यस घटनाले सामाजिक सञ्जालमा फैलिएका अफवाह र फेक न्यूजविरुद्ध सरकारको प्रत्यक्ष प्रतिक्रिया र प्रमाणित जानकारी सार्वजनिक गर्ने महत्त्वलाई उजागर गरेको छ।
