बनेपा मा बुधबार बिहान टिपरको ठक्करबाट स्कुटरमा सवार एक जनाको मृत्यु भएको छ।
मृत्यु हुनेमा धुलिखेल नगरपालिका–८ घर भएका ३१ वर्षीय ओभन प्रधान रहेका छन्, प्रहरीले जनाएको छ।
दुर्घटनामा संलग्न बागमती प्रदेश–०१–००४ क ३४२३ नम्बरको टिपरले बागमती प्रदेश–०२९–०६३ प १९८९ नम्बरको स्कुटरलाई ठक्कर दिएको थियो। उक्त टिपर सूर्यबिनायक(बनेपा) सडक खण्डमा निर्माण कार्यमा प्रयोग भइरहेको थियो।
दुर्घटनापछि स्थानीयहरूले टिपरमा आगजनी गरेका छन् भने सडक खण्ड अवरुद्ध गरिएको जिल्ला प्रहरी कार्यालय काभ्रे ले जनाएको छ।
टिपरले बनेपाबाट साँगातिर जाँदै गरेका स्कुटरलाई ठक्कर दिएको बताइएको छ।
