काठमाडौं । नेपाल टेलिकमको Caller Ring Back Tone (CRBT) सेवा प्राविधिक समस्याका कारण अस्थायी रूपमा बन्द गरिएको छ ।
कम्पनीले मंगलबार एक प्रेस नोट जारी गर्दै अर्को सूचना जारी नभएसम्मका लागि सेवा अवरुद्ध रहने जानकारी दिएको हो ।
टेलिकमले समस्या समाधानका लागि प्राविधिक टिम निरन्तर खटिएको जनाएको छ । यथासक्य चाँडो सेवा पुनः सञ्चालनमा ल्याउने प्रयास भइरहेको बताइएको छ ।
“CRBT सेवामा प्राविधिक समस्या उत्पन्न भएकाले अर्को सूचना नआएसम्मका लागि सेवा बन्द गरिएको छ,” टेलिकमद्वारा जारी विज्ञप्तिमा उल्लेख छ । साथै, यस कारणले ग्राहकहरूलाई परेको असुविधाप्रति कम्पनीले क्षमायाचना समेत गरेको छ ।
