काठमाडौं । बिहीबार बिहान फेसबुक वेबसाइटमा देखिएको प्राविधिक समस्या समाधान भएको छ । केही घण्टासम्म धेरै प्रयोगकर्ताले वेबसाइटमार्फत फेसबुक खोल्न नसक्ने समस्या भोगेका थिए ।
फेसबुक लगइन गर्दा ‘माफ गर्नुहोस्, केही समस्या भयो’ भन्ने सन्देश देखिएपछि प्रयोगकर्ताहरू अन्य सामाजिक सञ्जालमार्फत गुनासो गरिरहेका थिए । नेपालसहित विभिन्न देशमा समस्या देखिएको भए पनि अब सेवा पूर्ण रूपमा सुचारु भएको छ ।
फेसबुकको मोबाइल एप्स भने यसबीचमा सामान्य रूपमा सञ्चालनमा रहेको थियो । अहिलेसम्म फेसबुकको मातृ कम्पनी मेटाले समस्या र यसको कारणबारे आधिकारिक जानकारी दिएको छैन, तर प्रयोगकर्ताहरू पुनः निर्बाध रूपमा फेसबुक वेबसाइट प्रयोग गर्न सक्ने भएका छन् ।
