काठमाडौं । राष्ट्रिय प्रजातन्त्र पार्टी (राप्रपा)ले टिकटक प्रतिबन्धलाई अधिनायकवादको बाटो भन्दै विरोध जनाएको छ ।
राप्रपा अध्यक्ष राजेन्द्र लिङ्देनले टिकटकमाथि प्रतिबन्ध लगाउने सरकारको निर्णय अनुचित र अनुपयुक्त भएको भन्दै नियमन र नियन्त्रण गर्नुपर्नेमा प्रतिबन्ध लगाउनु निरंकुशता हो भन्नुभएको छ ।
प्रजातन्त्र, मानवाधिकार र अभिव्यक्ति स्वतन्त्रताको ठूल्ठूला घ्वाँस दिनेहरूबाटै टिकटकमाथि प्रतिबन्ध लाग्नु निरंकुशताको बाटो हो भएको उहाँको भनाइ छ । अन्य सामाजिक सञ्जालमाथि पनि प्रतिबन्ध लगाउन सक्ने भन्दै उहाँले सबैलाई सचेत पनि गराउनु भएको छ ।
