काठमाडौं । महिला विश्वकप फुटबलमा अहिले कोलम्बिया र दक्षिण कोरियाको खेल जारी छ ।
अष्ट्रेलियाको सिड्नीस्थित अलियान्ज स्टेडियममा भईरहेको यो खेल पहिलो चरणको अन्तिम खेल हो । यो खेलपछि मंगलबारबाट समुहका दोस्रो चरणका खेलहरु सुरु हुनेछन् ।
दोस्रो चरण अन्तर्गत समुह ‘ए’ का दुई खेल मंगलबार हुनेछ । न्युजिल्याण्डको वेलीङ्टन शहरमा हुने खेलमा घरेलु टोली न्युजिल्याण्डले फिलिपिन्सको सामना गर्दा ह्यामिल्टन शहरमा स्विट्जरल्याण्ड र नर्वे भिड्नेछन् ।
पहिलो चरणको खेलमा आयोजक न्युजिल्याण्डले नर्वेलाई हराएको थियो भने स्विट्जरल्याण्डले फिलिपिन्सलाई पराजित गरेको थियो ।
