काठमाडौँ । मधेश सरकारमा आज नेपाली कांग्रेस दुई मन्त्रालय लिएर सहभागी हुँदैछ ।
भौतिक पूर्वाधार विकास मन्त्रीमा नेपाली कांग्रेसका मधेश प्रदेश संसदीय दलका नेता कृष्णप्रसाद यादव र स्वास्थ्य मन्त्रीमा वीरेन्द्रकुमार सिंह नियुक्त भएका छन् । यादव मधेश प्रदेश नेपाली कांग्रेसका सभापति छन् भने सिंह कोषाध्यक्ष हुन् ।
आज दिउँसो १ बजे आफू दईजनाको शपथ ग्रहणको कार्यक्रम राखिएको नवनियुक्त मन्त्री सिंहले बताएका छन् ।
उनका अनुसार नेपाली कांग्रेस तत्काल २ मन्त्रालय लिएर सरकारमा सहभागी भएको छ । र, पछि पुनः दुईवटा मन्त्रालय वा एक सभामुख र एक मन्त्री लिने नेपाली कांग्रेसको तयारी छ ।
मधेश प्रदेशम अहिले नेकपा एमालेबाट रामचन्द्र मण्डल सभामुख छन् । चार वटा मन्त्रालय नेपाली कांग्रेसलाई नदिए सभामुखमा उसको दाबी छ ।
